जा रे कोरोना

- - - - - - - - *गीत*- - - - - - - -

जा रे कोरोना, कोनो ला हो ना,

जा रे कोरोना, रे  - - - - - 2 

जा रे जा रे जा रे कोरोना,

जा रे जा रे जा रे कोरोना,

जा रे कोरोना, कोनो ला हो ना,

जारे कोरोना, रे - - - - -  - 2                           

                       (1)

गजब पदोये नान्हें कीरा, 

जन-जन ला दे डारे पीरा,

माटी कर डारे तन हीरा,

होगे हावे प्रान अधीरा, रे- - - 2 

छोड़ बिटोना, ये रे गड़ोना,

बैरी कोरोना रे- - - - - 2

                       (2)

माहामारी जस बगरत हावै,

लाखों घर अब उजरत हावै,

लोगन भीतर खुसरत हावै, 

लगथे रिसाय कुदरत हावै, - - -2

झन तैं बुड़ोना, जीव चुरोना,

बैरी कोरोना, रे- - - - -2

                       

                      (3) 

                 

वांछा हावै बरसों जीबो,  

आँसू का हम अरसों पीबो

घाव अपन कइसे के सीबो, 

बंदी मा हम काला  खइबो,

जिनगी के रोना, खाँसी के होना,

जउँहर कोरोना, रे - - - - - 2

                                              

               *सुरेश पैगवार*

                    जाँजगीर